ଇଂରାଜୀ କ୍ୟାଲେଣ୍ଡର ପରିବର୍ତ୍ତେ ଭାରତୀୟ ନବ ବର୍ଷ କ୍ୟାଲେଣ୍ଡର ପ୍ରଚଳନ ପାଇଁ ପ୍ରଧାନ ମନ୍ତ୍ରୀଙ୍କୁ ସ୍ମାରକ ପତ୍ର
ବରଦା ପ୍ରସନ୍ନ ଦାସଙ୍କ ରିପୋର୍ଟ
କଟକ, ୧୪/୪: ଥିଙ୍କର୍ସ କ୍ଳବ୍ ର ୧୧୫ ତମ ଆଭାସୀ ଆଲୋଚନା ବେଦ ମଣିଷ କୃତ କି..? ବିଷୟରେ ଅନୁଷ୍ଠିତ ହୋଇଯାଇଛି ।
ବେଦବିତ୍ ସନୋ ଦେବୀ, ଇ ପ୍ରିୟବ୍ରତ ଦାସ ଓ ଡାକ୍ତର ଗୋପାଳ ଚନ୍ଦ୍ର ଦାସ ଏ ବିଷୟରେ ବିଶଦ ଆଲୋଚନା କରି ବେଦ ଅପୌରେଶୟ ଓ ବେଦ ର ଲୌକିକ ନାମ ଶ୍ରୁତି ବୋଲି କହିଥିଲେ ।
ବେଦ ର ପ୍ରଥମ ଶବ୍ଦ ଓଁ । ବ୍ୟାସ ଓ ଅନ୍ୟମାନେ ଭାଷ୍ୟ କଲା ପରେ ଏହା ଲୋକଲୋଚନକୁ ଆସିଛି । ଡାକ୍ତର ଗୋପାଳ ଦାସ ଓ ଅନ୍ୟ ବହୁ ବିଶିଷ୍ଟ ବ୍ୟକ୍ତି ମାନେ ଆଭାଶୀ ଆଲୋଚନାରେ ମତ ଦେଇ କହିଲେ ଯେ ବେଦ ମତେ ସନାତନ ସଂସ୍କୃତିରେ ନବ ବର୍ଷ ପାଳନ ସୌର ମାସ କିମ୍ବା ଚନ୍ଦ୍ର ମାସରେ ପାରମ୍ପରିକ ଗଣନା ଅନୁସାରେ ପାଳିତ ହୋଇଥାଏ ।
ଚନ୍ଦ୍ର ମାସ ଗଣନା ଅନୁସାରେ ଏହି ରାଷ୍ଟ୍ରୀୟ ନବ ବର୍ଷ ଚୈତ୍ର ଶୁକ୍ଳ ପ୍ରତିପଦ। ତିଥିରେ ପାଳିତ ହେଉଥିବା ବେଳେ ସୌର ମାସର ଗଣନା ଅନୁଯାୟୀ ମେଷ ସଂକ୍ରାନ୍ତିକୁ ବର୍ଷର ପ୍ରଥମ ସଂକ୍ରାନ୍ତି ଭାବେ ଗଣନା କରାଯାଏ ।
ମେଷ ସଂକ୍ରାନ୍ତି ରେ ସୂର୍ଯ୍ୟ ବିଷୁବ ରେଖା ଉପରେ ଅବସ୍ଥାନ କରୁଥିବାରୁ ଏହି ଦିନ ଟି ମହା ବିଷୁବ ସଂକ୍ରାନ୍ତି ଭାବେ ନାମିତ ।
ଏହି ଦିନଟି ଓଡ଼ିଆ ନବ ବର୍ଷ ପାଳନ ସହିତ ନୂତନ ପଞ୍ଜିକା ପ୍ରଚଳନ ହୁଏ । ଏ ଉପଲକ୍ଷେ ଗତ କାଲି ପୁରୀରେ ମୁଖ୍ୟ ମନ୍ତ୍ରୀ ନୂଆ କ୍ୟାଲେଣ୍ଡର କୁ ଲୋକାର୍ପିତ କରିଛନ୍ତି । ମାତ୍ର ପରିତାପର ବିଷୟ ଭାରତୀୟ ନବ ବର୍ଷ ଉପଲକ୍ଷେ ଚୈତ୍ର ଶୁକ୍ଳ ପ୍ରତିପଦ। ତିଥିରେ ଭାରତୀୟ କ୍ୟାଲେଣ୍ଡର କୁ ପ୍ରଧାନ ମନ୍ତ୍ରୀ ଲୋକାର୍ପିତ କରି ଇଂରାଜୀ କ୍ୟାଲେଣ୍ଡର ପରିବର୍ତ୍ତେ ଏହାକୁ ପ୍ରଚଳନ କରିବା ବିଧେୟ ।
ଏ ଦିଗରେ ମେଘନାଦ ଶାହା କମିଶନ ରିପୋର୍ଟକୁ ଅନୁସରଣ କରି ଭାରତ ସରକାର ଏ ଦିଗରେ ବିଚାର କରି ପଦକ୍ଷେପ ନେବାକୁ ପ୍ରଧାନମନ୍ତ୍ରୀ ଙ୍କୁ ଥିଙ୍କର୍ସ କ୍ଳବ୍ ତରଫରୁ ସ୍ମାରକ ପତ୍ର ପ୍ରଦାନ ପାଇଁ ନିଷ୍ପତ୍ତି ହୋଇଛି ।
କାନାଡା ରୁ ପ୍ରଶାନ୍ତ ଭୂୟାଁ, ଦିଲ୍ଲୀ ରୁ ବିରଞ୍ଚି ନାରାୟଣ ମହାପାତ୍ର,ସୀତାରାମ ବୁଦ୍ଧାରମନ ବେହେରା,ଗୁରୁ କୃଷ୍ଣ ଦାସ,ସଚ୍ଚିଦାନନ୍ଦ ଆଦି ଆଲୋଚନାରେ ଅଂଶ ଗ୍ରହଣ କରିଥିଲେ ।
ଶେଷରେ ଯୁବକ ତେଜେଶ୍ୱର୍ ବେଦ ମନ୍ତ୍ର ଆବୃତ୍ତି କରି ଧନ୍ୟବାଦ୍ ଅର୍ପଣ କରିଥିଲେ ଓ ଶାନ୍ତି ପାଠ କରି ଥିଲେ ।
ଥିଙ୍କର୍ସ କ୍ଳବ୍ ସଭାପତି ବରଦା ଦାସ ସଭା ସୁ ସଂଯୋଜନା କରିଥିଲେ । ଜ୍ୟୋତି ମଲ୍ଲ ସଭା ବୈଷୟିକ ପରିଚାଳନା କରିଥିଲେ ।
