ଦଶପଲ୍ଲା ଏନ୍ଏସି କୁ ସାତ ଦିନ ପାଇଁ ସଟ ଡାଉନ୍ ଘୋଷଣା କଲେ ଜିଲ୍ଲାପାଳ
July 31
21:34
2020
ପୁଷ୍ପଲତା ପ୍ରଧାନ ଙ୍କ ରିପୋର୍ଟ
ଦଶପଲ୍ଲା,୩୧/୭: ରାଜ୍ୟରେ କରୋନା ଆକ୍ରାନ୍ତ ଙ୍କ ସଂଖ୍ୟା ବଢ଼ିବାରେ ଲାଗିଥିବା ବେଳେ ନୟାଗଡ ଜିଲ୍ଲାରେ ଶୁକ୍ରବାର ଦିନ ୬୭ ଜଣ ନୂଆ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ଆକ୍ରାନ୍ତ ହୋଇଥିବା ଏହି ୬୭ ଜଣଙ୍କ ମଧ୍ୟରୁ ସର୍ବାଧିକ ଦଶପଲ୍ଲା ବ୍ଲକ୍ ରୁ ୩୪ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ଦଶପଲ୍ଲା ସ୍ଥାନୀୟ ଅଞ୍ଚଳରୁ କରୋନା ଆକ୍ରାନ୍ତ ଚିହ୍ନଟ ହେବା ପରେ ଗୋଷ୍ଠୀ ସଂକ୍ରମଣ ଏବଂ ଲୋକମାନଙ୍କୁ ସଂକ୍ରମଣ ରୁ ସୁରକ୍ଷିତ ରଖିବା ପାଇଁ ନୟାଗଡ ଜିଲ୍ଲାପାଳ ଡ଼ ପୋମା ଟୁଡୁ ଦଶପଲ୍ଲା ଏନ୍ ଏ ସି କୁ ଅଗଷ୍ଟ ୧ ତାରିଖ ସକାଳ ୬ ଟାରୁ ଅଗଷ୍ଟ ୭ ତାରିଖ ସକାଳ ୬ ଟା ପର୍ୟ୍ୟନ୍ତ ସାତ ଦିନ ସଟ୍ଡାଉନ ଘୋଷଣା କରିଛନ୍ତି।
