ଭୟରେ ଗାଡି ଛାଡି ପଳାଇଲା ଡ୍ରାଇଭର, ଶାଗୁଆନ ପଟା ସହ ପିକ ଅପ୍ ଗାଡ଼ି ଜବତ କଲା ବନ ବିଭାଗ
October 14
21:09
2020
ପୁଷ୍ପଲତା ପ୍ରଧାନ ଙ୍କ ରିପୋର୍ଟ
ନୂଆଗାଁ,୧୪/୧୦: ନୟାଗଡ ଜିଲ୍ଲା ମହିପୁର ବନାଞ୍ଚଳ ଅଧିନରେ ଥିବା ସଂପଡ଼ା ଗ୍ରାମ ନିକଟରୁ ବନବିଭାଗ ଦ୍ୱାରା ମୂଲ୍ୟବାନ ଶାଗୁଆନ ପଟା ସହ ପିିକ ଅପ୍ ଗାଡ଼ି ଜବତ କରାଯାଇଛି।ସୂଚନା ଅନୁଯାୟୀ ଗତକାଲି ରାତ୍ର ୮ ଟା ସମୟରେ ୬୦ ଖଣ୍ଡ ପଟା ବୋଝେଇ ହୋଇଥିବା ପିକ ଅପ୍ ଗାଡ଼ି ନଂ ( ଓଡ଼ି ୩୨ ଏ ୦୬୬୭) ରେ ନୟାଗଡ ଅଭିମୁଖେ ଯାଉଥିବା ବେଳେ ସଂପଡ଼ା ଗ୍ରାମ ନିକଟ ରାସ୍ତା ରେ ଗାଡ଼ି ର ଚକ ଦବି ଯିବାରୁ ଗାଡ଼ି ଡ୍ରାଇଭର ଭୟରେ ଗାଡି ଛାଡ଼ି ଚାଲି ଯାଇଥିଲା।ଖବର ପାଇ ମହିପୁର ବନାଞ୍ଚଳ ଅଧିକାରୀ ଶୁଭ୍ରାଂଶୁ ଶେଖର ପଣ୍ଡା ଓ ମହିତମା ଫରେଷ୍ଟର ରାକେଶ ସାହୁ ଙ୍କ ସହିତ ନୂଆଗାଁ ପୁଲିସ୍ ଉପସ୍ଥିତିରେ ମହିତମା ବିଟ କୁ ଶାଗୁଆନ ପଟା ବୋଝେଇ ଗାଡ଼ି ଅଣାଯାଇଥିଲା। ଏ ନେଇ ବନବିଭାଗ ତରଫରୁ ଏକ ମାମଲା ରୁଜୁ କରାଯିବା ସହ ଜବତ ହୋଇଥିବା ୬୦ ଖଣ୍ଡ ଶାଗୁଆନ ପଟା ର ମୂଲ୍ୟ ୪୦ ହଜାର ଟଙ୍କା ହେବ ବୋଲି ବନାଞ୍ଚଳ ଅଧିକାରୀ ଶୁଭ୍ରାଂଶୁ ଶେଖର ପଣ୍ଡା ଙ୍କ ସୂଚନା ଦେଇଛନ୍ତି।
