ମହିପୁର ଫାଣ୍ଡି ପୁଲିସ୍ ଦ୍ଵାରା କାର୍ ସହ ୫୦ କେଜିରୁ ଉର୍ଦ୍ଧ୍ବ ଗଞ୍ଜେଇ ଜବତ
ପୁଷ୍ପଲତା ପ୍ରଧାନ ଙ୍କ ରିପୋର୍ଟ
ନୂଆଗାଁ,୧୨/୧୦ : ନୟାଗଡ ଜିଲ୍ଲା ନୂଆଗାଁ ଥାନା ଅନ୍ତର୍ଗତ ମହିପୁର ଫାଣ୍ଡି ପୁଲିସ୍ ଦ୍ଵାରା କାର ସହ ୫୦ କେଜି ୨୦୦ ଗ୍ରାମ ଗଞ୍ଜେଇ ଜବତ କରାଯାଇଛି।ସୂଚନା ଅନୁଯାୟୀ ମହିପୁର ଫାଣ୍ଡି ଅଧିନରେ ଥିବା ମାଳିସର ଗ୍ରାମ ନିକଟରେ ଏକ ମାରୁତି ସୂଜୁକି ସ୍ଵିଫ୍ଟି ଡି ଜୟାର କାର ସନ୍ଦେହ ଜନକ ଅବସ୍ଥାରେ ଥିବା ନେଇ ମହିପୁର ଫାଣ୍ଡି ଅଧିକାରୀ ସୂଚନା ପାଇଥିଲେ।ଖବର ପାଇବା ପରେ ଫାଣ୍ଡି ଅଧିକାରୀ ରମେଶ କୁମାର ଦେବତା,ଏ ଏସ ଆଇ ପ୍ରମୋଦ କୁମାର ନନ୍ଦ,ଓ କିଛି କର୍ମଚାରୀ ଘଟଣା ସ୍ଥଳରେ ପହଞ୍ଚି ଗାଡ଼ିର ଡିକି ଜାଞ୍ଜ କରି ୩ ଟି ଜରି ବସ୍ତା ପାଇଥିଲେ।ପୁଲିସ୍ ଏହି ଗାଡ଼ି ଓ ଜରି ବସ୍ତା କୁ ମହିପୁର ଫାଣ୍ଡି କୁ ଆଣି ମାଜିଷ୍ଟେଡ୍ ଙ୍କ ଉପସ୍ଥିତି ରେ ଜାଞ୍ଜ କରିବା ପରେ ସେହି ଜରି ବସ୍ଥାରେ ୫୦ କେଜି ୨୦୦ ଗ୍ରାମ ଗଞ୍ଜେଇ ରହିଥିବା ଜଣାପଡିଥିଲା।ପୁଲିସ୍ ଗାଡ଼ି ସହ ଗଞ୍ଜେଇ ,ଏଟିଏମ୍ କାର୍ଡ,ବିଭିନ୍ନ ବ୍ୟାଙ୍କ୍ ର ପାସ୍ ବୁକ୍ ଜବତ କରିଛି।ଏହି ଘଟଣାରେ କାହାକୁ ଗିରଫ କରାଯାଇନଥିବା ବେଳେ ଏସ ଡି ପି ଓ ନିରଞ୍ଜନ ପାଢ଼ୀ ଏହାର ତଦନ୍ତ କରୁଥିବା ଜଣା ପଡ଼ିଛି ।
