ବୌଦ୍ଧର ସୁନିଲ ମିଶ୍ର ପାଇଲେ ଭାରତ ସରକାରଙ୍କ ଅତି ଉତ୍କର୍ଷ ସେବା ପଦକ
କମ୍ଭୁଧର କ୍ଷେତିଙ୍କ ରିପୋର୍ଟ
ବୌଦ୍ଧ,୧୯/୧୦ : ବୌଦ୍ଧରେ ଜନ୍ମଗ୍ରହଣ କରିଥିବା ସୁନିଲ କୁମାର ମିଶ୍ର ସି.ଆଇ.ଏସ୍,ଏଫ୍.ର ଡେପୁଟି କମାଣ୍ଡାଂଟ୍ ଭାବେ କାର୍ଯ୍ୟରତ ଭାରତ ସରକାରଙ୍କ ଗୃହ ମନ୍ତ୍ରଣାଳୟ ତରଫରୁ ଅତି ଉତ୍କର୍ଷ ସେବା ପଦକ ପାଇଁ ଯୋଗ୍ୟ ବିବେଚିତ ହୋଇଛନ୍ତି । ଶ୍ରୀ ମିଶ୍ର ବୌଦ୍ଧଜିଲ୍ଲା ଅନ୍ତର୍ଗତ ବୌଦ୍ଧ ସହରର ଚନ୍ଦ୍ରଚୂଡ ସାହିରେ ଜନ୍ମଗ୍ରହଣ କରିଥିଲେ ।
ପିତା ଆଦର୍ଶ ଶିକ୍ଷକ ସ୍ୱର୍ଗତଃ ସାରଙ୍ଗଧର ମିଶ୍ର ଏବଂ ଶ୍ରୀମତି ହରିପ୍ରୀୟା ମିଶ୍ରଙ୍କ ତୃତୀୟ ସନ୍ତାନ । ସେ ବୌଦ୍ଧର ଚନ୍ଦ୍ରଚୂଡ ବିଦ୍ୟାଳୟ ଓ ଯୋଗୀନ୍ଦ୍ର ଦେବ ଉଚ୍ଚ ବିଦ୍ୟାଳୟରେ ପ୍ରାଥମିକ ଶିକ୍ଷାଗ୍ରହଣ କରିବା ପରେ ବଲାଙ୍ଗୀରରେ ଉଚ୍ଚ ଶିକ୍ଷା ଗ୍ରହଣ କରିଥିଲେ । ସେ ୧୯୮୪ ମସିହାରେ ସି.ଆଇ.ଏସ୍.ଏଫ୍. ରେ ନିଯୁକ୍ତି ପାଇଥିଲେ ।
୩୭ବର୍ଷ ଚାକିରୀ କାର୍ଯ୍ୟକାଳ ସମୟରେ ୨୦୧୩, ୨୦୧୫ ଓ ୨୦୨୦ ମସିହାରେ ପୁରସ୍କୃତ ହୋଇ ସାରିଥିବା ବେଳେ ଚଳିତ ବର୍ଷ ଅତି ଉତ୍କର୍ଷ ସେବା ପଦକ ପାଇବା ପାଇଁ ମନୋନୀତ ହୋଇଛନ୍ତି । ଶ୍ରୀ ମିଶ୍ର ନିଜର କର୍ତବ୍ୟ କରିବା ସହିତ ତାଙ୍କର ଧର୍ମପତ୍ନୀ ଜ୍ୟୋସ୍ନାରାଣୀ ମିଶ୍ରଙ୍କ ସହିତ ମିଶି ରକ୍ତଦାନ, ସ୍ୱଚ୍ଛଭାରତ ଅଭିଯାନ, ବୃକ୍ଷରୋପଣ, ଦୁର୍ନୀତି ନିବାରଣ ଏବଂ କ୍ୟାନସର୍ ସଚେତନତା କାର୍ଯ୍ୟକ୍ରମ ଆୟୋଜନ କରି ପ୍ରଶଂସିତ ହୋଇଛନ୍ତି ।
ଟାଟା ମେମୋରିଆଲ ଚିକିତ୍ସାଳୟକୁ ଓଡିଶାରୁ ଯାଉଥିବା ରୋଗୀମାନଙ୍କୁ ସାହାଯ୍ୟ କରି ଆସୁଛନ୍ତି । ଶ୍ରୀ ମିଶ୍ରଙ୍କୁ ବୌଦ୍ଧର ବିଭିନ୍ନ ଅନୁଷ୍ଠାନ ତରଫରୁ ଶୁଭେଚ୍ଛା ଜଣାଯାଇଛି ।
ବୌଦ୍ଧ: ଶୋଚନୀୟ ହୋଇପଡିଛି ସରସରା ଗ୍ରାମ ମୁଖ୍ୟରାସ୍ତା
ବୌଦ୍ଧ,୧୯/୧୦: ବୌଦ୍ଧଜିଲ୍ଲାର ସବୁଠାରୁ ବଡ ଗ୍ରାମମାନଙ୍କ ମଧ୍ୟରେ ହରଭଙ୍ଗା ବ୍ଲକର ସରସରା ଗ୍ରାମ ଅନ୍ୟତମ । ସରସରା ପଂଚାୟତରେ ୧୪ ଟି ୱାର୍ଡ ରହିଥିବା ବେଳେ ପଂଚାୟତରେ ୮ ହଜାରରୁ ଉର୍ଦ୍ଧ୍ୱ ଜନସଂଖ୍ୟା ଅଛନ୍ତି । ସେଥିମଧ୍ୟରୁ ଏହି ସରସରା ଗ୍ରାମର ଜନସଂଖ୍ୟା ତିିନି ହଜାରରୁ ଉର୍ଦ୍ଧ୍ୱ ହୋଇଥିବା ବେଳେ ଗ୍ରାମରେ ଛଅଟି ୱାଡ ର୍ରହିଛି । ଏହି ଗ୍ରାମଟି ସରସରା ପଂଚାୟତର ସଦର ମହକୁମା ହୋଇଥିବା ବେଳେ ଗ୍ରାମର ମୁଖ୍ୟରାସ୍ତା କୁହାଯାଉଥିବା ରାସ୍ତାଟି ଅତ୍ୟନ୍ତତ ଶୋଚନୀୟ ହୋଇପଡିଛି ।
ରାସ୍ତାର ବିଭିନ୍ନ ସ୍ଥାନରେ ଖାଲ ଖମା ହୋଇପଡିରହିଛି । ବର୍ଷା ହେଲେ ଗ୍ରାମରେ କୁତ୍ରିମ ବନ୍ୟା ସୃଷ୍ଟି ହେଉଛିଁ । ଗ୍ରାମ ନିକଟରେ ଥିବା ସାଗରର ପାଣି, କେନାଲ ପାଣି ସବୁ ଡ୍ରେନରେ ଯାଇନପାରି ରାସ୍ତା ଉପରେ ଯାଉଥିବାରୁ ଜନସାଧାରଣଙ୍କ ଯିବା ଆସିବାରେ ସମସ୍ୟା ଦେଖାଦେଉଛି । ଡ୍ରନ ଗୁଡିକର ବିଭିନ୍ନ ସ୍ଥାନରେ ପୋତି ହୋଇ ପଡିବା ଫଳରେ ଘରର ମଇଳା, ଆବର୍ଜନା ପାଣି ସବୁ ଡ୍ରନରେ ନିଷ୍କାସନ ହୋଇନପାରି ରାସ୍ତା ଉପରେ ଚାଲୁଛି ।
ଏହି ରାସ୍ତାଟି ଗ୍ରାମର ମୁଖ୍ୟରାସ୍ତା ହୋଇଥିବା ବେଳେ ଚଳପ୍ରଚଳ ପାଇଁ ଏହି ରାସ୍ତା ଉପରେ ଗ୍ରାମର ଅଧିକାଂଶ ଲୋକ ନିର୍ଭର କରିଥାନ୍ତି । ଏହିରାସ୍ତା ଦେଇ ପଂଚାୟତର ପିଲାମାନେ ସ୍କୁଲକୁ ଯିବା ଆସିବା କରୁଛନ୍ତି । ସେହିପରି ଏହି ରାସ୍ତାରେ ପୋଷ୍ଟ ଅଫିସ,ସେବା ସମବାୟ ସମିତି, ଆରଆଇ ଅଫିସ, ଅଙ୍ଗନୱାଡି କେନ୍ଦ୍ର, ପ୍ରାଥମିକ ସ୍ୱାସ୍ଥ୍ୟକେନ୍ଦ୍ରକୁ ପ୍ରତିଦିନ ଶହଶହ ଲୋକ ଯିବା ଆସିବା କରିଥାନ୍ତି । ରାସ୍ତାଟି ଶୋଚନୀୟ ପଡିରହିଥିବାରୁ ଲୋକମାନେ ନହିଁନଥିବା ହଇର।।ଣ ହରକତ ହେବାକୁ ପଡୁଛି ।
ଏପରିକି ଗ୍ରାମକୁ ଆମ୍ବୁଲେନ୍ସ ଆସିବାରେ ମଧ୍ୟ ସମସ୍ୟା ଦେଖାଦେଉଥିବାର ଗ୍ରାମବାସୀ ଅଭିଯୋଗ କରୁଛନ୍ତି । ଏହି ଗ୍ରାମଟି ବୌଦ୍ଧ ସଦର ମହକୁମାରୁ ମାତ୍ର ଦୁଇ କିଲୋମିଟର ଦୂରରେ ଅବସ୍ଥିତ ହୋଇଥିବା ବେଳେ ଯଦି ରାସ୍ତାର ଅବସ୍ଥା ଏଭଳି ହୋଇଛି । ତାହାହେଲେ ଦୁର୍ଗମ ଓ ଆଭ୍ୟନ୍ତରିଣ ଅଂଚଳରେ ଥିôବା ଗ୍ରାମର ରାସ୍ତା ଗୁଡିକ କିପରିଥିବା ତାହା ସହଜେ ଅନୁମାନ କରିହେଉଛି । ସରକାର ଗ୍ରାମାଚଂଳର ବିକାଶ କଥା କହି କୋଟିକୋଟି ଟଙ୍କା ବ୍ୟୟ କରୁଥିଲେ ମଧ୍ୟ ଗ୍ରାମ ଗୁଡିକର ରାସ୍ତାର ବିକାଶ ହୋଇପାରୁନାହିଁ ।
ଯାହାଫଳରେ ସରକାରଙ୍କର ଜନକଲ୍ୟାଣ ଗୁଡିକ କିପରି କେବଳ ଭାଷଣ ମଧ୍ୟରେ ସୀମିତ ହୋଇରହିଯାଇଛି । ପ୍ରଶାସନ ସରସରା ଗ୍ରାମର ଏହି ମୁଖ୍ୟରାସ୍ତାର ଉନ୍ନତି କରଣ ପାଇଁ ପଦକ୍ଷେପ ଗ୍ରହଣ କରିବା ସହିତ ରାସ୍ତା ଉପରେ ଜମି ରହୁଥିବା ପାଣି ଗୁଡିକୁ କିପରି ନିଷ୍କାସନ କରାଯାଇ ପାରିବ ସେଥିôପ୍ରତି ଦୃଷ୍ଟି ଦେବାକୁ ଦାବିହେଉଛି ।
ବୌଦ୍ଧ :ପଞ୍ଚାୟତ ନିର୍ବାଚନ ନେଇ କଂଗ୍ରେସର ସାମ୍ବାଦିକ ସମ୍ମିଳନୀ
ବୌଦ୍ଧ,୧୯/୧୦: ତ୍ରୀସ୍ତରୀୟ ପଞ୍ଚାୟତ ନିର୍ବାଚନକୁ ନେଇ ରାଜନୈତିକ ଦଳ ଗୁଡିକ ସେମାନଙ୍କ ରଣକୌଶଳ ଆରମ୍ଭ କରିଥିବା ବେଳେ ଆଜି ବୌଦ୍ଧ ଜିଲ୍ଲା କଂଗ୍ରେସ ଦଳ ପକ୍ଷରୁ ପ୍ରସ୍ତୁତି ଆରମ୍ଭ ହୋଇଛି । ଅପରାହ୍ନରେ ଦଳ ପକ୍ଷରୁ ଦଳର ଆଇନସେଲ କାର୍ଯ୍ୟାଳୟ ପରିସରରେ ଏକ ସମ୍ବାଦିକ ସମ୍ମିଳନୀ ଅନୁଷ୍ଠିତ ହୋଇଥିଲା ।
ଏଥିରେ ଜିଲ୍ଲା କଂଗ୍ରେସ କମିଟି ସଭାପତି ନବ କୁମାର ମିଶ୍ର ଅଧ୍ୟକ୍ଷତା କରି ଗ୍ରାମାଞ୍ଚଳର ବିକାଶ ଓ ଲୋକଙ୍କ ଆର୍ଥକ ଉନ୍ନତି ପାଇଁ ଉପା ସରକାର ଦ୍ୱାରା ପ୍ରଣିତ ମନରେଗା(ଜାତୀୟ ଗ୍ରାମୀଣ ନିଶ୍ଚିତ କର୍ମନିଯୁକ୍ତିି ଆଇନ) ମାଧ୍ୟମରେ କରାଯାଇଥିବା ଶହ ଶହ କୋଟି ଟଙ୍କାର ଅନିୟମିତତା ଓ ହେରଫେରକୁ ଗୁରୁତ୍ୱ ଦେଇ ସାଧାରଣଜନତାଙ୍କ ନିଶ୍ଚିତ ନିଯୁକ୍ତି ଓ ପ୍ରକଳ୍ପ ନିର୍ମାଣ ଉଦ୍ଦେଶ୍ୟମରେ ପଞ୍ଚାୟତ ସ୍ତରକୁ ଆସୁଥିବା କୋଟି କୋଟି ଟଙ୍କା କିପରି ଆଇନକୁ ଉଲଂଘନ କରି ଆତ୍ମସାତ୍ କରାଯାଇଥିବା ନେଇ ଦଳ ପକ୍ଷରୁ ସାମ୍ବାଦିକ ସମ୍ମିଳନୀରେ ଅଭିଯୋଗ କରାଯାଇଛି ।
ନିଯୁକ୍ତି ଓ କାମଧନ୍ଦା ନପାଇ ବେକାର ଯୁବକମାନେ ଅନ୍ୟ ରାଜ୍ୟକୁ ଦାଦନ ଖଟିଯିବାକୁ ବାଧ୍ୟ ହେଉଥିବାବେଳେ ତାହାକୁ ଆଗାମୀ ପଞ୍ଚାୟତ ନିର୍ବାଚନରେ ମୁଖ୍ୟ ଅସ୍ତ୍ର କରି ଜିଲ୍ଲା କଂଗ୍ରେସ ନିର୍ବାଚନ ମଇଦାନକୁ ଓହ୍ଲାଇବ ବୋଲି ସାମ୍ବାଦିକ ସମ୍ମିଳନୀରେ ସୂଚନା ଦିଆଯାଇଛି । ଏହି ସାମ୍ବାଦିକ ସମ୍ମିଳନୀେରେ ବରିଷ୍ଠ କଂଗ୍ରେସ ନେତା ନାରାୟଣ ପ୍ରସାଦ ପରିଜା ଓ ପର୍ଯ୍ୟବେକ୍ଷକ ମନୋରଂଜନ ଦାସ ଉପସ୍ଥିତ ଥିଲେ । ଏହା ସହ ଜିଲ୍ଲା କଂଗ୍ରେସ କମିଟି ସଭାପତି ନବ କୁମାର ମିଶ୍ରଙ୍କ ଅଧ୍ୟକ୍ଷତାରେ ପୂର୍ବାହ୍ନରେ ହରଭଙ୍ଗା ବ୍ଲକ ଅନ୍ତର୍ଗତ ବାମଣ୍ଡା ଗ୍ରାମପଞ୍ଚାୟତର ନାଏକପଡା ଗୁମ୍ଫା ନିକଟରେ ଅନୁଷ୍ଠିତ ଦଳର କାର୍ଯ୍ୟକାରିଣୀ ବୈଠକ ଅବସରରେ ଏନେଇ ପୁଙ୍ଖାନୁପୁଙ୍ଖ ଆଲୋଚନା କରାଯାଇ ଦଳୀୟ ନେତା ଓ କର୍ମୀମାନଙ୍କ ମତଗ୍ରହଣ କରାଯିବା ପରେ ପଞ୍ଚାୟତ ନିର୍ବାଚନ ଇସ୍ତାହାର ପ୍ରସ୍ତୁତି ପାଇଁ ନିଷ୍ପତି ଗ୍ରହଣ କରାଯାଇଛି ।
ଜିଲ୍ଲାରେ ସ୍ୱାସ୍ଥ୍ୟ, ଶିକ୍ଷା, ନିଯୁକ୍ତି, ମହିଳା ସଶକ୍ତିକରଣ,ଓ ସାମାଜିକ ନିରାପତ୍ତା, ଦୁର୍ନୀତି,ଜଳସେଚନ ଓ କୃଷି ସମସ୍ୟାକୁ ଆଗାମୀ ନିର୍ବାଚନରେ ପ୍ରସଙ୍ଗ କରି ଦଳୀୟ ଇସ୍ତାହାର ପ୍ରସ୍ତୁତ କରାରଯିବା ପ୍ରସ୍ତାବକୁ ବୈଠକରେ ସର୍ବସମ୍ମତିକ୍ରମେ ଗ୍ରହଣ କରାଯାଇଥିଲା । ଏହି ବୈଠକରେ ପ୍ରଦେଶ କଂଗ୍ରେସ କମିଟି ତରଫରୁ ପର୍ଯ୍ୟବେକ୍ଷକ ଭାବରେ ବରିଷ୍ଠ କଂଗ୍ରେସ ନେତା ମନୋରଂଜନ ଦାସ ମୁଖ୍ୟଅତିଥି ଓ ଅନ୍ୟତମ ଅତିଥି ଭାବରେ ବରିଷ୍ଠ କଂଗ୍ରେସ ନେତା ଖଗେଶ୍ୱର ମଲ୍ଲିକ ଯୋଗଦେଇଥିଲେ ।
ବୈଠକରେ ଜିଲ୍ଲା କଂଗ୍ରେସ କମିଟିର ଉପସଭାପତି ସମରେଶ ମିଶ୍ର ଓ ଅଭିମନ୍ୟୁ ପ୍ରଧାନ, ବ୍ଲକ ସଭାପତି ପଙ୍କଜ କର୍ଣ୍ଣ, ସାଧାରଣ ସଂପାଦକ ଅର୍ଜୁନ ମହାନନ୍ଦିଆ, କୋଷାଧକ୍ଷ୍ୟ ପ୍ରଦୀପ ଦାସ, ଗଣେଶ ଅଗ୍ରୱାଲା, ପ୍ରତାପ ପଣ୍ଡା, ପ୍ରଶାନ୍ତ ସାହୁ, ପ୍ରଶାନ୍ତ କର୍ଣ୍ଣ ଓ ଦୀନମଣୀ ଡାଙ୍ଗ,ପଲସ୍ତି ପ୍ରଧାନ,ଯୋଗ ଦେଇଥିଲେ ।
ବୌଦ୍ଧ : ପଞ୍ଚାୟତ ସ୍ତରୀୟ ମହିଳା ଜନ ପ୍ରତିନଧି ଓ ଗଣ ପ୍ରତିନିଧିମାନଙ୍କୁ ନେଇ କର୍ମଶାଳା
ବୌଦ୍ଧ,୧୯/୧୦: ବୌଦ୍ଧଜିଲ୍ଲା ହରଭଙ୍ଗା ବ୍ଲକର ସରସରା ଠାରେ ଥିବା ଲୋକ କଳା ବିକାଶ କେନ୍ଦ୍ର ପରିସରରେ ଦି ହଙ୍ଗର ପ୍ରୋଜେକ୍ଟ ଇଣ୍ଡିଆ ପକ୍ଷରୁ ପଞ୍ଚାୟତ ସ୍ତରୀୟ ମହିଳା ଜନ ପ୍ରତିନିଧି ଓ ଗଣ ପ୍ରତିନିଧିମାନଙ୍କୁ ନେଇ ଏକ କର୍ମଶାଳା ସୋମବାର ଅନୁଷ୍ଠିତ ହୋଇଯାଇଛି । ଦି ହଙ୍ଗର ପ୍ରୋଜେକ୍ଟ ଇଣ୍ଡିଆର ସହଯୋଗୀ କର୍ମଶାଳାରେ ସମସ୍ତଙ୍କୁ ସ୍ୱାଗତ ଜଣାଇଥିଲେ । ପରେ ଅଲିଭା ମହାସଂଘର ଉପସଭାପତି ଅତିଥି ପରିଚୟ ପ୍ରଦାନ କରିଥିଲେ ।
ଅତିଥି ଭାବରେ ଜିଲ୍ଲା ଶିଶୁ ମଙ୍ଗଳ ସମିତିର ସଦସ୍ୟ ସୀତାକାନ୍ତ ସାହୁ ଯୋଗଦେଇଥିଲେ । ଲୋକ କଳା ବିକାଶ କେନ୍ଦ୍ରର ସମ୍ପାଦିକା ପୁଷ୍ପିତା ପ୍ରଧାନଙ୍କ ଅଧ୍ୟକ୍ଷତା ଅନୁଷ୍ଠିତ ଏହି କର୍ମଶାଳାରେ ବିଗତ ବର୍ଷ ଗୁଡିକରେ ହୋଇଥିବା ଦି ହଙ୍ଗର ପ୍ରୋଜେକ୍ଟ ଇଣ୍ଡିଆର ବିଭିନ୍ନ କାର୍ଯ୍ୟକ୍ରମକୁ ପାୱାର ପଏଣ୍ଟ ମାଧ୍ୟମରେ ବୁଝାଇଥିଲେ । ଅଲିଭା ମହାସଂଘର ସମ୍ପାଦିକା ରଶ୍ମିତା ବେହେରା ମହାସଂଘର ଆଭିମୁଖ୍ୟ ସଂପର୍କରେ ଆଲୋକପାତ କରିଥିଲେ । ପରବର୍ତ୍ତି ପର୍ଯ୍ୟାୟରେ ଅତିଥି ଶ୍ରୀସାହୁ ମହିଳା ଓ ଶିଶୁମାନଙ୍କ ପାଇଁ ରହିଥିବା ବିଭିନ୍ନ ସୁବିଧା ସୁଯୋଗ ଉପରେ ଆଲୋକପାତ କରିଥିଲେ । ପରେ ଜନ ପ୍ରତିନିଧି ଓ ଗଣମାଧ୍ୟମ ପ୍ରତିନିଧିଙ୍କ ମଧ୍ୟରେ ଖୋଲା ଆଲୋଚନା ହୋଇଥିଲା ।
ପଞ୍ଚାୟତର ମହିଳା ଜନ ପ୍ରତିନିଧିମାନେ ନିଜର କାର୍ଯ୍ୟକାଳ ମଧ୍ୟରେ ନିଜ ଅଞ୍ଚଳରେ କରିଥିବା ବିଭିନ୍ନ ଜନହିତକର କାର୍ଯ୍ୟକ୍ରମ ସଂପର୍କରେ ସୂଚନା ପ୍ରଦାନ କରିଥିଲେ । ଅଲିଭା ମହାସଂଘ ଗଠନ ପୂର୍ବରୁ ଆଜି ପର୍ଯ୍ୟନ୍ତ ଯାହା କାର୍ଯ୍ୟକ୍ରମ କରିଛନ୍ତି ଓ ଦି ହଙ୍ଗର ପ୍ରୋଜେକ୍ଟ ଇଣ୍ଡିଆ ତରଫରୁ ଶିଖିଛନ୍ତି ତାହା ପ୍ରକାଶ କରିଥିଲେ ।
ଅଲିଭା ମହାସଂଘର ସମ୍ପାଦିକ ସୁଶ୍ରୀ ବେହେରା ଉପସଭାପତି କଳ୍ପନା ପାତ୍ର, କୋଷାଧ୍ୟକ୍ଷ ରୀନା ଦେହୁରୀ,ଓ ସରପଞ୍ଚ ମିନତୀ ସେଠୀଙ୍କ ସମେତ ଅନ୍ୟ ୱାର୍ଡ ସଭ୍ୟାମାନେ ଉପସ୍ଥିତ ଥିଲେ । ଏହି କର୍ମଶାଳାରେ ୧୫ ଗୋଟି ପଞ୍ଚାୟତର ଜନ ପ୍ରତିନିଧି ଏବଂ ଗଣମାଧ୍ୟମର ୧୦ ଜଣ ପ୍ରତିନିଧି ଯୋଗଦେଇଥିଲେ । ଶେଷରେ କ୍ଷେତ୍ର ପ୍ରଶିକ୍ଷକ ପ୍ରତାପ ମେହେର ଧନ୍ୟବାଦ ପ୍ରଦାନ କରିଥିଲେ ।